Coles sos declaraciones el Secretariu Xeneral d’UXT dexa nidio que’l  “Principado”, baxo los gobiernos del PSOE, conocíen dafechu’l fraude de los cursos de formación

“Todos los cursos foron impartios, sobre eso nun hai discusión, y xustificaos en base a lo que marcaben les convocatories y validaos polos téunicos del Principado”. Argumentó Javier Fernández Lanero, Secretariu Xeneral del sindicatu acusáu de fraude por valor de 1,46 millones d’euros, al saber que cuatro de los esdirixentes d’UXT y la so fundación IFES, dos téunicos ya’l mesmu sindicatu comu persona xurídica van ser xulgaos por cinco delitos de presuntu fraude nel usu de los fondos públicos que xestionaben.

Estes declaraciones son una implicación direuta los gobiernos d’entós, presidios por, Javier Fernández, Álvarez Cascos y Álvarez Areces, cuestión que se recueye nel mesmu informe de la Comisión d’Investigación qu’encargó la mesma Xunta Xeneral que depués nun quiso da-y validez oficial y que dende l’entamu vienen denunciando dende Andecha Astur, organización que va pocu punxo una denuncia por estos fecho ante la OLAF “Que fueren impartíos y validaos pol “Principado” confirma lo qu’ Andecha Astur vien denunciando dende cuantayá: qu’el PSOE ta implicáu na trama de corrución… y qu’el restu partíos nel “Principado” achanten y miren pa otru llau.”

Nuria Prendes