Margarita García Marqués, de la Pola Llaviana, exerce como sicóloga en Madrid, onde fundó nel 2007 l’Asociación pa la Sanación y Prevención de los Abusos Sesuales na Infancia (Aspasi). Frutu de los munchos años que lleva trabayando nesi tema, vien d’escribir el llibru ‘Stop Abusu’, nel que define qué ye l’abusu, cómu actúen los abusadores, cómu s’escuenden nel entornu familiar, cuáles son los síntomes del rapacín cuando los carez y los daños que se deriven d’ello na edá adulta; «La idega ye enseñar a les families y a los profesionales cómo trabayar na prevención, ensin alarmar a los neños, de forma tranquila ya ensin asustalos pa que lo puedan contar con naturalidá», diz. Amás nel llibru danse ferramientes pa fomentar ciertes actividaes qu’enseñen a la reciella a poner llendes y protexese.

La versión n’español d’esti trabayu edítase cola collaboración de La Caixa, y agora mesmo ta en fase de recoyida de “mecenes”, a traviés de la plataforma Verkami, pero l’autora manifestó ya la so dimposición a espublizalu n’asturianu si s’algamare’l númberu de persones interesaes pa ello.

Una de cada 4 neñes y un de cada 7 neños carez esti tipu de maltratu anantes de cumplir los 17 años de edá; ye necesario enseñar a la reciella comu defendese, deteutar los sintomes una bones se produz l’abusu, conseguir que los afeutaos lo cuenten y saber comu reacionar. «A los abusos sexuales puede poneseyos remediu, si s’actúa a tiempu.” declara l’autora, que tien otros dos llibros sobre’l tema, enfocaos na reciella: ‘Tu cuerpo es tu tesoro’ y ‘De qué color son tus secretos’, que tamién podríen tornase si hubiere interesaos nello.

This work is licensed under a Creative Commons Attribution 4.0 International License.