La versión asturiana de “Un violador nel to camín” inclui comu seña propia, amás de la llingua, la percusión que pondrán pa la ocasión les pandereteres
El 25 de Xineru a porta a Xixón la coreografía que’l coleutivu feminista “Lastesis” interpretó por primera vez el 18 de Payares delantre de la Segunda Comisaría de Carabineros de Chile, en Valparaíso, y que dende entós vien representándose en ciudaes de tol mundiu.
Uviéu foi una de les primeres ciudaes en facese ecu, faciendo la performance na Plaza la Escandalera el 29 de Payares, con namás dos hores d’ensayu previu nel Campu San Francisco. La de Xixón ye una convocatoria con más tiempu y muncho más ensayu, polo que se cuenta con una afluencia mayor. Sicasí, l’ensayu nun ye imprescindible p’acudir esti sábadu a la Plaza l’Humedal, a les 12:30, basta con seguir cuatro cenciellos movimientos y corear al altu la lleva la lletra que s’apurre al final del artículu.
Pa l’aición recomiéndase llevar una venda prieta trasllúcida «como símbolu d’indefensión ante la violencia patriarcal», un pañuelu verdi «en sofitu a les compañeres arxentines» y la lletra de la canción impresa y/o deprendía.
Anantes de la performance, tendrá llugar un ensayu xeneral na Casa Sindical a les 11.30 hores. Les imáxenes de l’aición apaecerán, xunto a les de centenares de ciudaes de tol mundiu, nel mapa nel que la plataforma feminista dixital “Geochicas” les rexistra.
UN VIOLADOR NEL TO CAMÍN
El patriarcáu ye un xuez
que nos xulga por nacer,
el nuestru castigu
ye la violencia que NUN ves.
El patriarcáu ye un xuez
que nos xulga por nacer,
el nuestru castigu
ye la violencia que YÁ ves.
Feminicidiu,
impunidá pal mio asesín,
ye la desapaición,
ye la violación.
Y la culpa nun yera mía,
nin ónde taba, nin cómo vistía.
El violador YERES tú.
El violador YES tú.
Son los maderos,
los xueces,
ye la ilesia,
el presidente.
Y l’estáu opresor
ye un machu violador
El violaor YES tú
Nun somos preses
somos muyeres empoderaes.
Les violaes
nun tamos soles
toquen a una salimos toes
El violador YES tú.
This work is licensed under a Creative Commons Attribution 4.0 International License.
