La falta d’una representacion asturiana nel gobiernu estatal permite qu’Asturies siga estancada ensin competencies, ensin asumir nin siquiera les reconocies nel Estatutu d’Autonomía, entantu nacionalidaes que si tan representaes van algamando la so autoxestión

Nel 2006 Asturies asumía les competencies de Xusticia, lo qu’implicaba la xestión de los medios materiales y económicos p’alministrar esta cuestión. De magar entós Asturies nun recibió dalu trespasu de competencies, nin siquiera aquelles que vienen recoyíes nel ya de por si probe Estatutu d’Autonomía. Competencies comu la xestión de los ferrocarriles que circulen dafechu per Asturies nun fueron enxamás solicitaes a Madrid y otres, comu la creación d’un Serviciu de Metereoloxía propiu, nun se desendolcaron seique, de fechu, podría facese ensin falta siquiera de trespasu.

Como esculpia pa nun asumir estes competencies a les qu’Asturies tien drechu, el “Principado” esgrime l’argumentu de “los altos costes económicos y la dificultá de xestionar eses competencies”, autoproclamándose incapaces de remanar en beneficiu de los asturianos unes perres y unos servicios que yos correspuenden, ello ye, declarándose incapaces de gobernar Asturies.

Entantu, comu se vió nel reciente alcuerdu pa la investidura de Pedro Sanchez nel que s’inclúi’l trespasu de competencies a vascos, Navarros y gallegos, la presencia de partios nacionaliegos nel gobiernu cientral permite a otres nacionalidaes dir avanzando na so autoxestión. Dos de les competencies recién asumies por estes comunidaes son les de tráfico y nel casu de Galicia, xestión de l’autopista AP-9.

Nuria Prendes

This work is licensed under a Creative Commons Attribution 4.0 International License.