• Portada
  • >
  • Cultura
  • >
  • Abiertu’l plazu de matrícula pa la primer preba de conocencia d’asturianu

Abiertu’l plazu de matrícula pa la primer preba de conocencia d’asturianu

  • 16 Xineru, 2020

L’Academia de la Llingua Asturiana, “sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu”, fadrá dos convocatories añales onde van poder evaluase diches conocencies. La primer convocatoria tendrá llugar el 25 de Xineru y la segunda en mayu

La primera de les dos convocatories añales de les prebes nes qu’acreditar oficialmente la conocencia de la llingua asturiana abrió ya’l so plazu de matrícula. La preba costará de dos partes, oral y escrita y pa superala será necesario tener tamién conocencia de la situación social del asturianu y del procesu de normalización llingüistica nel que ta inxerta.

Na preba oral valoraráse l’emplegu de la llingua nuna conversación colos miembros del xuráu calificador y na escrita, habrá exercicios de dictáu, gramática, redaición y comprensión lleutora.

A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución. Les persones que nun superen les pruebes del nivel 1 podrán presentase a nueves convocatories toles vegaes que-yos pruya.

La preba va cellebrase nel edificiu sur de la Facultá de Formación del Profesoráu y Educación ya’l plazu d’iscripción tará abiertu fasta dos díes anantes.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies