Doble sentencia a favor de los trabayaores de Vauste

  • 14 Xineru, 2020

La realmisión d’un trabayaor depués de siete meses de despidu disciplinariu, l’anulación de la suspensión d’emplegu y sueldu d’otru  y la invalidación de les elleiciones sindicales súmense a otres 5 sentencies contra la empresa

Esta selmana foi dictada la sentencia del Xulgau de lo Social Numberu 2 de Xixón, anulando la sanción de dos meses de suspensión d’emplegu y sueldu impuesta pola direición de Vauste (antigua Tenecco) a Nacho Fuster, Secretariu Xeneral de la CSI, como castigu poles sos denuncies al fondu buitre Quantum Partners por incumplimientu de los sos compromisos en materia d’inversiones p’asegurar el futuru de la fábrica de Xixón.

La emportancia d’esta sentencia estriba nes sos implicaciones, ya que fuercia a l’anulación de les elleiciones sindicales, nes que s’escluyere illegalmente la llista de la CSI, con Nacho Fuster comu cabezaleru. La sentencia recueye esplicitamente “la nulidá de la proclamación definitiva de les candidatures del procesu elleutoral, asina comu de los actos posteriores, retrotrayendo el procesu al entamu del plazu pa la presentación de candidatures”

Fasta agora los sindicalistes que premitieron y afalaron estes elleciones illegales (CCOO, UGT, USO y CSIF) nun fexeron dala declaración.

Amás, esta mesma selmana la empresa foi forciada a realmitir a un de los sos trabayaores, illegalmente despidíu, con reposición de los sos salarios y tolos sos drechos.

Con estes sentencies, ya van siete en diferentes xulgaos de Xixón qu’anulen sanciones o desestimen denuncies penales de los trabayaores más activos de Vauste, destacaos pol so llabor reivindicativu y la so defensa del futuru de los puestos de trabayu na empresa.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies