Andecha Astur denunció en so momentu ante l’Axencia Européa Contra’l Fraude – OLAF- los casos de fraude nos Fondos Mineros (2002) y nes obres d’El Musel (2007), que gracies a ello tan siendo xulgaos. Agora vienen de presentar, énte’l mesmu organismu, el casu de los cursos de formación de la UXT. Entrevistamos a Paulu Arboleya, Secretariu Xeneral d’Andecha Astur que viaxó -xunto con Mario Arbesú- a Bruseles pa facer esta denuncia

¿Con que oxetivu viaxasteis a Bruseles?

Bono el oxetivu yera poder presentar les concluxones de la comision del parllamentu asturianu nel casu de los cursos de la UXT, que tamien foron pagaos con fondos europeos. Nesti casu consideramos que la axencia escontra’l fraude, la OLAf , yera la istitucion afayadiza pa que tuvieren conocencia de estes concluxones.

El fechu que parte de los gastos de estos cursos foren financiaos con fondos europeos fae que seya d’interes pa la Xunion Europea cualesquier desviu de los mesmos.

Según la comision del parllamentu asturianu estes desviaciones esistieron pero nun atalantamos el motivu de que direutamente nun se comunicaren a Europa estes presuntes irregularidaes, pa que pudieren tomar les midíes que consideren, siendo la Xunión Europea un de los que pagaron los cursos de formacion.

¿Dirieis que n’Europa hai menos permisividá pa colos casos de corrupción?

Ye necesario llevalo a Europa pa que seyan coscientes del nivel de corrucion qu’hai nel Estáu Español. Ye vergoñoso que nun seya la propia Xunta Xeneral o’l gobiernu los que comuniquen a Europa lo que pasa coles perres que mos manden, que deberíen ser pa salir de la etenra cris na que ta asitiau’l pueblu trabayaor asturianu.

Europa nun ye una maravilla, pero ta claro que les redes clienterales del país nun lleguen fasta Europa, por suerte, la OLAF ya nos tien demostrao que  nun se casa con naide, como nel casu del muselón.

¿Qué plazu tien la OLAF pa dar una rempuesta?

Lo primero que van facer ye estudiar el casu y ver si hay irregularidaes. Los plazos na Xunión Europea son llentos, pero como persabemos eficaces.

Aparte de la cuestión de la OLAF, ¿ficisteis dalguna otra xestión, contautu o actu allí?

Si, amás de presentar la documentacion na OLAF aprofitamos pa participar nuna concentracion a favor de los presos y los esiliaos politicos catalanes na qu’amosamos la solidaridá nel nuesu pùeblu. Tamién caltuvimos conceyos colos compañeros d’Agora Repúbliques, coallición a la que pertenecemos y que mos permite actuar, al traviés de los sos europarllamentarios, en defensa de los intereses d’Asturies.

¿Cómo se ve la cuestión de los presos políticos dende la XE?

Lo que tienen nidio allí ye qu’el reinu d’España vulnera los mas ellementales drechos democráticos. Dicho esto, la costrucion de la Xunion Europea, que tien como base la soberanía de los estaos miembros fae dificile que dende ellí puean facer muncho mas que peticiones formales.

¿Qué otres cuestiones o proyeutos se falaron colos compañeros d’Agora Repúbliques?

Faláronse, eor un llau de temes organizativos y de tornar con nueves propuestes y denuncies pa la primavera. Tamos trabayando pa ver que temes consideramos mas interesantes, porque aunque’l tratu ye perbonu, ye evidente que los temes que se puen tratar, por un problema de tiempu, tienen que esbillase bien.

¿Tuvisteis contautos con miembros d’otros partios/agrupaciones?

Si falóse , na concentracion de sofitu a los presos y esiliaos catalanes con Xente de Junts pel SI; por desgracia y por temes d’axenda nun se pudo falar con representantes de Esquerra Republicana .

¿Comu puede influyir la presencia d’Andecha n’Agora Repúbliques y la so representación n’Europa sobro la política asturiana?

La posibilidá que nos ufierta Agora Repúbliques ye la de facer denuncies, comu nesti casu, pero tamién la d’algamar informacion rellativa al nuesu pais qu’el gobiernu asturianu nun nos ta facilitando a la ciudadania. Tamién nos tan asesorando de la meyor mena de facer el trabayu con ellos.

La influyencia real ye llograr que la Xunión Eurpea faiga que se tengan que tomar ciertes politiques que van a la contra de les que lleven a cabu los diferentes gobiernos asturianos. Como dixe la capacidá d’influyencia europea ye llimitada, pero el nun siguir los sos conseyos pue llevar a perda de sovenciones.

This work is licensed under a Creative Commons Attribution 4.0 International License.