Asturpizzeres: primer conflictu llaboral del añu

  • 2 Xineru, 2020

La falta d’actuación de los sindicatos mayoritarios, UGT y CCOO, lleva a los emplegaos a organizar les protestes ensin cuntar coles organizaciones sindicales

Les dos empreses de restauración especializaes en pizza a domiciliu Telepizza y Pizza Hut lleven dende entamos del añu pasáu ensin aplicar la subida de sueldu correspondiente al incrementu del SMI, ello ye, pagando menos de lo llegal a los sos emplegaos, tanto de repartu comu de cocina y atención nos sos establecimientos. El salariu base d’un  repartidor, ausiliar o ayudante de cocina, ronda los 650 euros al mes en xornada completa, 320 euros si ye a tiempu parcial.

Seique esta ye la principal infración de les empreses, los trabayaores denuncien que nun ye la única. Pa entamar, nel pagu de los salarios nun se computen el total de les hores trabayaes; tanto Telepizza comu Pizza Hut obliga a los emplegaos a pagar los descuadres de caxa en casu que falten perres, los horarios nun s’espublicen a tiempu ya en munchos casos nun se yos apurre a les trabayaores los dos uniformes añales a los que tienen drechu.

Al ser esti un trabayu d’alta precariedá y poca xunión pente trabayadores d’estremaos centros de trabayu, la implicación de los sos representantes sindicales a la hora d’organizalos abulta perimportante. Sicasí, el fechu ye que los dos sindicatos mayoritarios nun tan tomando denguna midía pa reclamar los drechos llaborales de los sos representaos, polo que ñaz la organización de trabayadores “Asturpizzeras” que vienen de llanzar una llamada a los afeutaos p’aconceyar y tomar midies que fuercien a les empreses a cumplir cola llexisllación vixente y pagayos los atrasos que yos deben.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies