Utilicen la imaxen y nome de ganaeros pa publicitar unes aides qu’enxamás recibieron

  • 9 Avientu, 2019

Ignacio Rodríguez, Daniel Elola y Francisco Javier Carbajal, ganaeros, nun podíen creyelo cuando vieron la so semeya -y nomes- nel periódicu El Comercio, illustrando los cuasi 13 millones “p’aidar a la mocedá nes fasteres rurales y afrontar el retu demográficu” qu’el “Principado” destinará a proyeutos ganaderos

En concreto, estos tres rapazos, faen lo posible por poner en marcha un proyeutu de meyora de calidá de la llechi, n’Onis, comu diz el pie de semeya d’El Comercio, y efeutivamente, solicitaron ayudes de los presupuestos d’años anteriores pa desendolcalu. Sicasí, nun recibieron un céntimu “Lo único que recibimos foron llargues y zancadielles. A día de güei nun recibimos un centimu d’esta xente, y la negativa a la nuesa iniciativa por parte del entós direutor de Desarrollo Rural del Principado” denuncien nes redes sociales.

De fechu, lleven dos años solicitando sovenciones pal so proyeutu de meyora de la calidá de la llechi nes ganaderies que recueyen, sovenciones que lleven denegándoseyos sistemáticamente, pesi a ser un proyeutu viable, rentable y puestu en marcha pola mocedá que vive y quier siguir viviendo del ganao y n’Asturies, tolo que se supón que se defende con estes perres.

La reación de los pastores de los Picos d’Europa al lleer la noticia tamién yera d’escepticismu “La hestoria reciente diznos que tralará, tralará…”. La entruga que queda nel aire ye ¿onde queden esos millones?.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies