De magar el branu desaniciáronse cerca de 6.000 puestos de trabayu n’Asturies, 978  en Payares, un mes que si siempres ye malu esti añu superó records en negativo

El mes pasáu rexistráronse cuasi mil contratos menos na seguridá social, dexando la cifra’l paru en  70.877 persones, de les que más de 37.000 nun reciben prestación por desemplegu.

Amás de la subida nel paru y la baxada na seguridá social, costátase una baxada de la calidá de los nuevos contratos, siendo cerca’l 93% d’ellos de calter temporal, xenerando una precariedá ya inestabilidá que s’espeya na cifra de contrataos -15.722- qu’afirmen tar a la gueta d’otru trabayu complementariu del que ya tienen.

Más de la metá de les persones ensin contratu tienen 45 o más años, la mayoría son muyeres, y tienen perdificil la reincorporación llaboral. Sicasí, esti mes la mayor perda de puestos dióse pente los homes, siendo’l seutor servicios el más perxudicáu, con un descensu total de 551 emplegos, frente a los 150 que se perdieron n’industria, 49 na costrución y 44 n’agricultura.

Llucía F. Marqués

This work is licensed under a Creative Commons Attribution 4.0 International License.