Fasta agora yeren 58 los  GME (Gaelic Medium Education), cientros educativos escoceses nos que podía cuntáse con educación en gaélicu, sumando colexos infantiles, de primaria y de secundaria

Va venti años dende que Glasgow abrió la so primer escuela de primaria en gaélicu. Anguañu  son tres los colexos na ciodá que ufren cada añu a 3.000 escolinos la posibilidá d’estudiar utilizando’l gaélicu comu llingua vehicular: la escuela de Primaria Glendale, en Pollokshields, la Glasgow Gaelic School en Berkeley Street y l’ampliación del colexu Cartvan, en Govan, cola ufierta d’educación secundaria en gaélicu, pero la demanda medra añalmente, lo que fae preciso l’apertura de, al menos, un nuevu cientru.

El diputáu John Swinney anunció la creación d’esta cuarta escuela gaélica na ciodá de Glasgow demientres l’apertura de la cellebración nacional de la llingua y cultura gaéliques, insistiendo en que “los beneficios de la educación en gaélicu tienen que tar al algame de tola reciella d’Escocia”

Llucía F. M.

This work is licensed under a Creative Commons Attribution 4.0 International License.