• Portada
  • >
  • Cultura
  • >
  • La TPA da comu erru “Xixón” porque la rempuesta correcha yera “Gijón”

La TPA da comu erru “Xixón” porque la rempuesta correcha yera “Gijón”

  • 20 Payares, 2019

Nuevu casu d’asturfobia y discriminación llingüística, nesti casu amás contra la toponimia oficial vixente, na televisión pública asturiana

Ana Francisco Martínez, presentadora del concursu  El Picu, cuenta como fallu la rempuesta “Xixón” ante la pista “fae referencia a la capital de la costa verdi”, al entrugar por un canciu de El Presi.

Lloñe del pruyimientu popular por una televisión dafechu n’asturianu, la ruina proporción de programes n’asturianu na que ye la televisión d’Asturies, la avezada diglosia, l’usu de topónimos españolizaos y la folklorización de terminos asturianos son avezaos na cadena pública asturiana, onde l’escasu respetu pola llingua ye patente. Ya a entamos d’añu la Xunta Pola Defensa la Llingua denunciaba que baxo la xestión d’Antonio Virgili & Cia, la TPA “afonda nos prexuicios ideolóxicos y marxina más ca vegada la nuesa llingua”.

RTPA ye un casu únicu pente les televisiones del estáu, ya qu’incumple dafechu la llexislación vixente, l’Estatutu d’Autonomía, la Llei d’Usu y la mesma Llei de RTPA, qu’esplicita que la cadena tien que ser una ferramienta pa promocionar l’asturianu.
Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies