Van a la gueta de soluciones ante el maltar y les importantes dificultaes que’l GICE ta xenerando nos cientros educativos
Va más d’una selmana la XPDNU, integrada por 6 representaciones sindicales del ámbetu educativu (ANPE, UGT, CCOO, SUATEA, CSIF y SINTTA), solicitaron un conceyu cola Conseyería d’Educación, treslladándose-y per escrito una riestra de pidiciones pa solucionar los problemes esistentes venceyaos al nueu programa de xestión económica, el GICE, ya que nin la formación de los docentes nin la equipación informática de los cientros son los afayaizos pa desendolcar esti nuevu programa.
Poro, soliciten que se retrase la implantación del nuevu programa de xestión dica Xineru del 2020, una midía que permitiría presllar de mena afayaiza l’actual exercíciu económicu, facilitando la so aplicación progresivo a lo llargo l’añu entrante, asina como la cellebración d’aiciones formatives y la anovación de los equipos informáticos.
Nel conceyu, que tendrá llugar el viniente xueves 21 de Payares al mediudíe, la Xunta de Personal Docente non Universitario afalará a l’Alministración a qu’asuma los erros cometios y reutifique nos plazos y procedimientos d’aplicación del GICE nos cientros educativos d’Asturies, en cumplimientu de los compromisos alcordaos col profesoráu en materia de facer más cencielles les xeres alministratives.
Nuria Prendes
This work is licensed under a Creative Commons Attribution 4.0 International License.
