El mesmu monumentu ya fore emporcáu en dos ocasiones anteriormente por grupos de la estrema drecha española

El monolitu, qu’alboreció ayeri con una bandera d’España cubriendo bona parte d’elli y tapando la placa comemorativa, llantóse nel añu 2010 comu alcordanza de les ocho persones (cinco muyeres, una d’elles preñá, y tres homes) fusilaes el 26 de Payares de 1937 dientro la xabaz represión que careció Asturies a manes de les tropes nacionales. A elles hai que sumar un cuartu home que foi disparáu al tratar de fuxir pel camín.

Ye la tercer vegada qu’esti monumentu, allugáu na Cuesta Vindoria, en Llangréu, ye atacáu con pintura y la segunda qu’apaez con una bandera del reinu d’España nelli, ocurriendo los dos primeros ataques nel mes de Payares del añu pasáu, lo que fae albidrar una continuidá organizada nesti vandalismu, que tien llugar dies anantes del cabudañu de los fusilamientos.

This work is licensed under a Creative Commons Attribution 4.0 International License.