Con una participación del 65’58% -559068 votantes, a falta de recontar los votos per corréu- l’escenariu políticu varía pocu n’Asturies respeutu a les anteriores elleiciones xenerales
Tres de la repetición de los comicios xenerales, n’Asturies el PSOE queda prauticamente igual en porcentaxe, pesi a perder cuasi 22.000 votos; la drecha radicalízase, pasando a VOX y PP los votos de C’s, dando l’escañu perdíu por estos al Partíu Popular; UP caltién el so escañu pesi a perder más de 18.000 votantes, cuasi’l 7% d’ellos.
El nacionalismu asturianu meyora los sos porcentaxes nun 6’67%, siendo Andecha Astur l’únicu partíu d’izquierdes en meyorar porcentualmente y tamién l’únicu ensin representación parllamentaria qu’espoxiga nesi sen (aparte del PCPE y Más País, que nun se presentare nos caberos comicios). El restu de los partios estraparllamentarios (PACMA, PCTE, PH, Recortes cero y PUM) oscilen pente’l PUM, que caltienen la so representación col 0’07% del total de los votos, ya’l restu, que pierden pente’l 22% ya’ 33% del so porcentaxe de votos.
La llamada al “votu útil” y al “votu en clave española” pa baltar la drecha n’Asturies nun resultó ser útil pa frenar a los partíos más reacionarios d’España, pero si torgó la consolidación d’una alternativa nacionaliega d’izquierdes n’Asturies.
Nuria Prendes
This work is licensed under a Creative Commons Attribution 4.0 International License.