La xubía, que foi plantegada fuera l’orden de  díi, alcordaráse la selmana que vien y consiste nun incrementu del 2’2% de la nómina los diputaos, lo mesmo que pal restu de trabayaores del Parlamentu

Les nómines actuales, revisaes al alza el pasáu branu cola costitución del nueu Palamentu, oscilen pente los 2.411 euros brutos que cobren los que compaxinen el so llabor políticu con otru trabayu remuneráu y los 5.186 € al mes que percibe Marcelino Marcos Líndez, comu presidente de la Cámara. Pel mediu, los voceros y miembros de mesa, con 5.106 € y los parlamentarios con dedicación esclusiva, que cobren 4.672 euros brutos. A estos salarios hai que sumar los complementos de circuscripción:265 pal cientru y 475 pa Oriente u Ocidente. D’aprebase la xubía propuesta pasaríen a percibir  2.464, 5.300 y 5218 € más complementos.

D’aprebase la midía, de la que coincidieron en posicionase a la contra VOX y Podemos, el sueldu de les sos señoríes triplicaría llargamente’l salariu mediu n’Asturies, que ronda los 1.600€ y medró 37 cts l’añu pasáu. Los datos indiquen que al menos un de cada cuatro asturianos nun algama los 1.100 € y que’l 21% de la población asturiana alcuéntrase’n riesgu d’esclusión social, ello ye, nun percibe los ingresos mínimos que garanticen l’acesu a la vivienda, lluz y alimentación nes condiciones afayaices.

Nuria Prendes