Charra y amuesa’n direutu de Baltu

  • 31 Ochobre, 2019
La llucha celta asturiana, el Baltu, apaez ya recoyío por Estrabón, na so Xeografía, ya alcontramos referencies d’ella’n representaciones nos capitéles románicos de los sieglos XI y XII. Sicasí, anguañu ye desconocía por bona parte de la población asturiana, lo que fae especialmente importante estes aiciones d’espardimientu que fae la Lliga Celta
La Lliga Celta d’Asturies entama una charra sobro la llucha celta asturiana Baltu acompañada d’una amuesa’n direutu d’esti esporte.
Fernán Morán, presidente de la Lliga Celta d’Asturies y direutor del proyeutu de recuperanza de la llucha Baltu va facer un percorríu hestóricu dende l’Edá del Fierru ta nuesos díes al traviés d’iconos artísticos y lliterarios presentes n’Asturies.
Asina mesmu amuesará l’importancia social y cultural qu’esti tipu de llucha tien y la necesidá de recuperala y caltenela pa les xeneraciones futures.
Enol Fuente, coordinador d’esti proyeutu, tamién falará del desendolcu del mesmu y, xuntu a otru lluchaor fadrá una amuesa d’esti tipu de llucha en direutu.
L’eventu tendrá llugar el 31 d’Ochobre a les siete la tardi, nel Hotel d’Asociaciones Santuyanu, c/ Xoaquín Costa 48, Uviéu. La entrada, comu ye vezu nos actos entamaos pola Lliga Celta d’Asturies, sedrá de baldre dica completar aforu.
Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies