XEGA desixe’l cumplimientu de la llei en cuestión d’educación na diversidá LGTBI

  • 30 Ochobre, 2019

Cola campaña “Tienen drechu a saber” desixen a la Conseyería d’Educación que remembren a los cientros educativos asturianos la obligatoriedá d’ufrir esta triba de formación

“la Educación ye un drechu de los menores, non un privilexu de les families que tan d’alcuerdu en que los sos menores se formen. Igual que l’escolín tien drechu a formase’n matemátiques, n’inglés o seguridá vial, tien drechu a formase n’educación afeutivo-sesual, familiar y de xéneru”

XEGA (Coleutivu LGTB d’Asturies), xunto a FELGTB ( Federación Estatal de Lesbianas, Gais, Trans y Bisexuales) vien de solicitar a la Conseyería d’Educación que remembre a traviés d’un documentu escritu a los sos cientros educativos la necesidá y la obligatoriedá d’implantar formación en diversidá afeutivo-sesual, familiar y de xéneru nes sos aules, ufriéndola a la totalidá de los escolinos ya ensin necesidá de cuntar cola opinión de les families, sigún se recueye na llexisllatura vixente. Citen pa ello lo recoyío na Llei Orgánica pa la Meyora la Educación(LOMCE), na Llei de reciella y adolescencia de 2015, na Llei de Salú Sesual y Reproductiva y de la Interrupción Voluntaria del Embarazu, na Llei de Fomentu de la Educación y la Cultura de la Paz, na Llei Orgánica d’Educación ya incluso la mesma costitución española o la Convención de los Drechos de la Reciella.

Dende XEGA consideren que si  n’ Asturies esta formación nun se implementó entá afayadizamente tien de ser por falta de recursos o por desconocimientu, afirmando que confien plenamente na llabor de los docentes asturianos. Nesi sen, XEGA recuerda que “les entidaes LGTBI ponemos a disposición de los cientros que lo soliciten formación en diversidá afeutivo-sesual, familiar y de xéneru de baldre” polo que ponen a dimposición de los cientros esi recursu, por si fuere d’utilidá.

La demanda se enmárcase na campaña “Tienen derecho a saber”, iniciativa de FELGTB, que solicita el cumplimientu de la llei a les estremaes Conseyeries, ufriendo amás a la ciudadanía una erbía pa que revindique los sos drechos nesi sen, convidando a la población a sumase y mandar les sos propies cartes de demanda a les Alministraciones públiques.

 

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies