• Portada
  • >
  • Asturies
  • >
  • Andecha Astur pidi que se-y retiren les medayes a Areces comu consecuencia de la sentencia Marea-Riopedre

Andecha Astur pidi que se-y retiren les medayes a Areces comu consecuencia de la sentencia Marea-Riopedre

  • 23 Ochobre, 2019

La llei reguladora de la cuestión prevé que “la concesión de los honores y distinciones a que la presente Llei se refier podrá ser revocá si con posterioridá a la mesma los interesaos realizaren actos o manifestaciones que los faigan indinos de la so titularidá”
Na sentencia del casu Marea- Riopedre el Tribunal Supremu considera acreditao que nel tiempu en que Areces presidió’l gobiernu d’Asturies “Quedó sostancialmente corrompíu’l procedimientu d’axudicación de contratos de suministru y d’obres en varies Conseyeríes” d’esti gobiernu, afitando na so sentencia que colos fechos condergaos non sólo resultó ñidiamente perxudicáu’l padremuñu públicu asturianu, “sinón que se llantó de facto un sistema d’axudicación de los contratos conveníos cola Alministración qu’afeutaba a tol sistema de la Comunidá Autónoma y non sólo al padremuñu d’ésta”, pola comisión de delitos de cofechu, marafundiu, prevaricación y falsedá, polo que, en términos políticos, puen definise aquellos años de mala gobernanza comu de corrución sistémica.

Pa Andecha Astur, esto nun pudo ser posible ensin el conocimientu y la participación del entós presidente, polo que nun considera apropiao que se-y considere ciudadanu exemplar nin de Xixón nin d’Asturies. En consecuencia, vienen de presentar sendos escritos al «Principado» y l’Ayuntamientu Xixón nos que soliciten la revocación de los honores concedíos a Álvarez Areces, en concreto,  la Medaya d’Asturies en categoría oru concedía pol «Principado» a títulu póstumu al espresident y la de fíu Predileutu concedía pol Ayuntamientu Xixón.

Redaición InfoAsturies

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies