Vox pidi la illegalización d’Andecha Astur

  • 20 Ochobre, 2019

“Daqué debemos tar faciendo bien. Quieren illegalizanos porque somos los únicos que lluchamos por un futuru dignu p’Asturies, ensin sucursalismos, servilismos nin sumisión al Reinu d’España” retruquen dende la organización, que nun teme que la illegalización se lleve a efetutu porque “nun tienen dala base llegal, namás muncha rabia”

Ignacio Blanco, diputáu de Vox por Asturies, solicitó la illegalización del partíu nacionaliegu nun actu n’Uviéu, nel que tamién participaron el voceru de Vox nel Congresu  los Diputaos, Iván Espinosa de los Monteros, la presidenta de este partido en Madrid, Rocío Monasterio, ya’l candidatu a la Cámara Baxa por Asturies, José María Figaredo.

Blanco cientró’l so discursu nuna enraxonada oposición a la Oficialidá del asturianu, venceyando esta col únicu partíu que lleva reclamándola dende l’entamu ya incondicionalmente, Andecha Astur y xustificando la humildación carecida pola conseyera de Cultura, Berta Piñán.

Darréu fexo una lletura bastante acertada de los principios d’Andecha Astur “Refiérense a Asturies como una nación, defenden el drechu d’autodetermín del pueblu asturianu y refiérense al asturianu como la llingua nacional d’Asturies. En Vox propondremos la so illegación», dixo Ignacio Blanco.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies