Una concentración recibió a los acusaos na puerta’l Palaciu de Xusticia con una pancarta na que se lleía “Xixón de toes, non a los Ultras”

Sobre la 1:30 del díi 8 d’Abril de 2018, un ensame de miembros del grupu de siguidores ultra d’estrema drecha del Sporting, Ultra Boys, entraron en La Folixa armaos con barres de fierru, palos y martillos, dellos cola cara tapada. Ensin mediar pallabra agredieron a los veceros, que taben cellebrando una folixa del equipu fúbol Unión Club Ceares, ocasionando delles llesiones, pente elles una que precisó d’atención mélica, con fería incisa na frente y contusión na tiesta, precisando nueve puntos de sutura.  El llocal, tres l’ataque, quedó estrozáu, colos cristales blindaos de la puerte’l llocal dañaos y la cacía francía a costafecha polos acusaos.  La mayor pena sedrá de tres años y nueve meses de cárcele pal responsable de les feríes y de namás un añu por “desórdenes públicos” pa los otros 4 acusaos por esti delitu, amás d’una multa de 360 €; pa los dos restantes, 180€ y 6 meses de cárcele.

Les penes impuestes son bultablemente inferiores a los dos años  y 6 meses con multa de 900 euros qu’anicialmente se pidía, pero que quedaron rebaxaes gracies a un alcuerdu pente la Fiscalía y l’acusación particular, tres de reconocer los fechos.