• Portada
  • >
  • Asturies
  • >
  • Alcordanza d’Ochobre’34 y esperanza nel futuru d’Asturies diéronse cita en Pando

Alcordanza d’Ochobre’34 y esperanza nel futuru d’Asturies diéronse cita en Pando

  • 13 Ochobre, 2019

Nel homenaxe al Pueblu Asturianu na Revolución del 34, qu’añalmente cellebra Andecha Astur, l’alcordanza d’un pasáu valerosu xuncióse con una güeyada  esperanzada a un tiempu futuru nel qu’Asturies torne a decidir por ella mesma

Al par de la tumba del presidente de la República Asturiana, Belarmino Tomás, Ana Fernández, en nome d’Andecha Astur, remembró la importancia de nun escaecer el pasáu cuando miremos al futuru, utilizando pa ello delles frases del poeta asturianu Manuel Asur “Por eso, Asturies del alma, el pasáu nun lu escaezas”… “Ensin alcordanza un pueblu nun tien futuru a la llarga”. Referíase en concreto a nun escaecer el tiempu en que’l pueblu asturianu decidió lliberase del xugu de la monarquía española, declarando la República Asturiana d’Obreros y Campesinos, fartucos de les llacerioses consecuencies que la dependencia d’España tenía pal país y deseyosos de tomar les riendes del so futuru.Na so intervención fexo referencia tamién a les prósimes elleiciones y a la decisión d’Andecha Astur de presentase a les mesmes porque “seique pueda paecer contradictorio defender una República Asturiana y presentase a elleiciones al reinu d’España” ye la única manera d’asegurar qu’Asturies tea presente con voz propia nes istituciones estatales y europees.
Darréu, tuvo llugar la ufierta floral y les decenes de participantes nel actu entonaron “La Flor del Agua” comu preslle del mesmu.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies