Asturies nun escaez: Día de la Mocedá Revolucionario

  • 2 Ochobre, 2019

La mocedá asturiana lleva 16 años revindicando col DMR la llucha de les muyeres y homes que llucharon na Revolución d´Ochobre de 1934

El Día de la Mocedá Revolucionario 2.019 durará dos díes, ya qu’entama esti vienres 4 d’Ochobre con una charra nel Llar la Llegra, a les siete la tardi. Baxo l’entítulu “La llucha de les muyeres d’ayeri, exemplu pa la mocedá de güei”, tres grupos de muyeres darán el so testimoniu de llucha obrera: per un lláu les asturianes d’IKE y Obrerol y pel otru les d’Euskalduna, toes elles protagonistes en primer persona de revindicaciones sociales y llaborales nes caberes décades.

El sábadu 5 les actividaes entamarán a mediudíi, na Plaza’l Paragües (Uviéu) onde tendrá llugar un actu internacionalista cientráu na relación pente’l capitalismu y la globalización. Darréu, les pandereteres “Nun tamos toes” animarán la sesión vermú, anantes de la xinta popular.

De tardi el DMR treslládase nuevamente al Llar la LLegra, onde tendrán llugar los alderiques sobre educacion, contaminación y cases d’apuestes. Pa finar, a les 19: 30 abriránse les puertes pal conciertu, que sedrá na Sala Sir Lauren’s. Nesti ya XVI Asturies nun escaez tocarán s los grupos Radiocrimen, Skama la rede y Sartenazu Cerebral.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies