• Portada
  • >
  • Opinión
  • >
  • Vesuvius y la discriminación mediático xeográfica d’Asturies

Vesuvius y la discriminación mediático xeográfica d’Asturies

  • 25 Setembro, 2019

Depués de la marcha d’ayeri, y de la de la selmana pasada, con miles de participantes en cauna, plantégovos una cuestión na que camentar: ¿Porqué una movilización n’Asturies nun tien la mesma repercusión mediática qu’otra del mesmu calter na otra esquina del estáu?. Llamento dicivos que nun voi retrucar, déxolo ehí, pa que camenteis

Llucía F. Marqués

 

 

 

Nun voi a entrar a sacu a valorar la utilidá de les marches a pie comu métodu de revindicación obrera: la marcha de fierro, les marches del carbón, dir a pata a pidir cuentes al rei… nun hai dubia de qu’a los asturianos préstenmos pola vida, seique la so eficiencia comu protesta nun ta demostrada. Son vistoses, llamen l’atención, creen comuña, faen visible’l conflicutu esi ye’l so envís.

Sicasí, nun pueo dexar de ver ciertu tratu desemeyáu pente una movilización de, por exemplu, dosmil pescaores gallegos o “cientos” d’agricultores andaluces y una marcha de cuatro hores y media que fina en miles de manifestantes n’Asturies. Por parte de los medios de comunicación españoles, quiero dicir. Ehí ta la hemeroteca: a iguales fechos, atención desemeyada; por motivos que se m’escapen (o non) una movilización n’Asturies nun tien una décima parte de la repercusión qu’otra en cualisquier puntu del estáu -nun digamos na si comparamos, por exemplu, con Catalunya-.

Nun ye nuevo, les batalles campales de Naval Xixón conocímosles pocu más que nos, la fuercia y la represión carecies nes protestes mineres dexen en bragues (si se me permite la espresión y nun s’ofende naide) a la represión mundialmente famosa del 1-O, pero tamos esperando les reaciones escandalizaes del restu’l mundiu pola violencia policial.  Alcoa nun ye lo mesmo si se manifiesta equi que si ye’n A Corunha, onde va parar.

Con Vesuvius volvemos a tener un conflictu silenciáu, recoyíu namás na prensa asturiana, y entá asina recoyíu d’aquella manera. Lleemos na Nueva España “La Marcha de Vesuvius llega a Uviéu con mediu millar de persones”. Eso son 500. Recomiendo echar una güeyada a les semeyes, nun hai falta ser espertu pa ver más de 500. Solo los nueve autocares desplazaos pa la ocasión superaben llargamente esa cifra.

Depués, a los trabayadores de Vesuvius xuniéronse los d’Asturiana de Zinc, Alimerka, Alcoa, Tenecco, federaciones d’educación y sanidá, asociaciones culturales y de vecinos…  Si daqué tien d’importante esta movilización ye’l mensaxe xunitariu qu’esparde: nun ye Vesuvius, ye la cuenca, ye Asturies la que tan presllando. Sicasí, la repercusión sigui siendo mínima, llocal, recortada, engañosa.

Nun sé si ye qu’Asturies nun interesa, si nun importa o si al contrariu, importa muncho silenciala. O igual si que lo sé..

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies