Depués de la pataleta “en Bimenes nun hai bandera d’España” aporta”Falten roxigualdes nos actos esportivos asturianos”

La formación ultraespañolista denunció l’ausencia de la bandera d’España nel Campeonatu de patinaxe de velocidá d’infantiles y alevines cellebráu el domingu en Les Mestes. Efeutivamente, na entrega de premios taben presentes 7 banderes: l’andaluza, la gallega, la catalana, la castellano llionesa, la ikurriña, la d’Aragón y por supuestu, l’asturina, representando a tolos esportistes presentes na preba, na que, por cierto, los asturianos algamaron nueve medayes.

Pa VOX bastaba con qu’hubiere una, la monárquica española, ensin importayos si los participantes se sentien o non representaos por ella, ya que pa la organización d’estrema drecha ye imprescindible imponer a tou trapu les señes más rancies d’una España “Xunía y soberana”. Nes sos ofendies declaraciones afirmen que “vivimos unos tiempos en que los símbolos nacionales –refiriéndose a los españoles– principalmente el himno y la bandera de España son constantemente atacados por aquellos que quieren destruyir la nuesa nación.”

Confiamos que ten no cierto.

Nuria Prendes

This work is licensed under a Creative Commons Attribution 4.0 International License.