Multitudinaria asistencia a la marcha convocada pa reclamar midies que permitan detener el preslle de la factoría ya’l dispidu de la cuasi totalidá de los 111 trabayadores que trabayen nella
Que la marcha tuviere convocada un llunes pela mañana nun torgó que miles d’asturianos se desplazaren güei a les 10:00 a la puerta la fábrica que Vesuvius tien en Llangréu p’acompangar a los trabayadores nes sos reclamaciones, enllenando les cais de Sama y finando a la puerta’l consistoriu, onde la plantiya caltuvo un conceyu cola Corporación municipal a la gueta de más sofitos.
Les tie
ndes del conceyu presllaren, en señal de protesta y tamién pa facilitar a los sos dueños y emplegaos la participación na convocatoria, porque, como facíen saber dalgunos comercios na nota de preslle, nun se trata del preslle de Vesuvius, trátase del preslle d’Asturies “Les cuenques muerren” alvierten, y nun yos falta razón.
Nesi mesmu sen insistióse na intervención cola que los trabayadores presllaron la marcha dende’l balcón la Casa Conceyu: “Non solo somos trabayadores d’Asturies, somos la cuenca minera, somos Asturies y tenemos que gritar todos alto y fuerte, Asturies, ponte en pie”
De nun alcontrase soluciones anantes, el martes 24 una nueva marcha saldrá de la factoría con destín na Xunta Xeneral del “Principado”, onde reclamarán aconceyase colos partios que formen el gobiernu asturianu pa desixir la so intervención nel conflictu.
Vesuvius no se cierra. Miles de personas abarrotan Sama frente a la deslocalización que pretende la empresa. A la marcha se han sumado los diputados en la junta general del principado, Angela Vallina y Ovidio Zapico; el coordinador en funciones de IU, Alejandro SUAREZ así como miembros de la organización en Langreo, Mieres, Laviana, San Martín del Rey Aurelio, y muchos más lugares.
Publiée par IU Asturias sur Lundi 16 septembre 2019
This work is licensed under a Creative Commons Attribution 4.0 International License.
