• Portada
  • >
  • Cultura
  • >
  • Fin de selmana murniu pa los escenarios d’Asturies

Fin de selmana murniu pa los escenarios d’Asturies

  • 14 Setembro, 2019

Asturies pierde en namás dos díis a dos grandes de la escena cultural asturiana a edaes mui moces

El vienres riscaba cola noticia del fallecimientu de Silvino Torre, Samara, ñacíu en Santa Bárbola va namás 52 años. Dexábanos con elli una voz que fizo’l so llabor a favor de la normalización llingüística pente les tables del teatru, con obres comu Gasolina con Capullos, Tres personaxes, tres o Puntu y Coma, pero tamién dexó la so voz en cine, col doblaxe de películes tan sonaes comu Harri el Suciu y El rostru impenetrable, y na radio, siendo una de les voces principales de Nomes d’Asturies, El Gran Teatru y Al Aldu, onde interpretó abondos monólogos, ensin escaecer el so trabayu comu escritor, con obres comu Tribulaciones d’un pelegrín o Una de sidra.

Ensin tiempu siquiera pa dixerir la noticia, el sábadu aportaba otru guelpe: Elias García, vigulinista, gaiteru y virtuosu del bouzuki, profesor de música na Escuela de Música y Danza Popular de Noreña, con namás 51 años, riscaba ensin vida. Integrante de Llan de Cubel dende los sos anicios, Elías tocaba tamién en Felpeyu ya nel Triu Tuenda y yera perconocíu pol so compromisu pa con Asturies, la cultura y la llingua asturianes.

Pente ún y otru Asturies pierde a dos grandes. Que la tierra yos seya sele.

Redaición InfoAsturies

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies