Seies Cientros Sociales entamen el domingu 15 de Setiembre una marcha a pie al Pozu Funeres comu homenaxe a la Llucha Antifacista
El Pozu Funeres, nel Conceyu de Llaviana, foi escenariu d’un de los munchos asesinatos múltiples de la época franquista. Un númberu indetermináu de fugaos y les sos families, foron aventaos vivos al pozu, onde remanecen los sos calabres. De nueve d’ellos conozse los datos: militantes comunistes y socialistes de los conceyos de Llaviana, Bimenes y Samartín del Rei Aureliu que’l 13 d’Abril de 1.948 continuaben la guerra nos montes.
El domingu viniente una marcha subirá por Peñamayor dica’l Pozu mesmu, en remembranza y homenaxe de los guerrilleros antifranquistes allí asesinaos. L’actu ta entamáu polos Cientros Sociales Sestaferia, La Xusticia, El Mataeru, La Llegra, La Simiente y L’Apiaderu.
Redaición InfoAsturies
This work is licensed under a Creative Commons Attribution 4.0 International License.
