• Portada
  • >
  • Marafundios
  • >
  • Perres como cuchu: el nuevu executivu cuesta un millón más d’euros al añu

Perres como cuchu: el nuevu executivu cuesta un millón más d’euros al añu

  • 3 Setiembre, 2019

Andecha Astur nun ve gota de “socialismu” nes midíes del nueu gobiernu del PSOE y desixe a Barbón que fine col marafundiu de perres en puestos y sueldos nel gobiernu y na Xunta Xeneral y qu’invierta en cubrir necesidaes sociales.

“Tamos nun tiempu nel que medra’l númberu dirixentes que mantenemos y medren los sos sueldos. Pero ye que tamién tamos nuna dómina na que’l Gobiernu desatiende los sirvicios públicos básicos por falta presupuestu”.

El presidente d’Asturies, el vicepresidente, los nueve conseyeros y les tres viceconseyeres cobren cuasi 68.000 € añales. El presidente la Xunta Xeneral cobra más de 58.000 € añales. Los secretarios xenerales téunicos, direutores xenerales y altos cargos asimilaos cobren cuasi 58.000 € añales. Los cuatru miembros de la Mesa la Xunta Xeneral y los siete voceros parllamentarios cobren más de 54.000 € añales, a lo qu’hai d’añadir complementos, dietes y retribuciones n’especie.

Comu contraste, los 21.000 asturianos perbaxo la llende de la probitú, los 40 asturianos que muerren ca mes ensin cobrar l’aída concedía a la dependencia, les llistes d’espera y la falta profesionales na Sanidá público, la precariedá llaboral del profesoráu interín a media xorná que sólo que con 800 € (una sétima parte que’l presidente) tienen de comer, pagar alquiler y gasolina…. Y tantes otres necesidaes sociales básiques ensin atender de mou afayaízu.

“Una clas dirixente menos numberosa, unos sueldos políticos púdicos y una llucha decidío escontra la corrución istitucional permitiríen ameyorar los sirvicios públicos y atender les grandes necesidaes sociales” proponendende Andecha Astur, que considera inaceutable l’incrementu de puestos y sueldos nel executivu de Barbón, costando a los asturianos un millón d’euros al añu más que l’anterior, un xorrecimientu sobre un presupuestu ya descomanáu, que pa na s’axusta al índiz de xubía de la vida nin a la situación d’emerxencia social que se carez n’Asturies a la que, remembren, mos llevó en bona parte les polítiques económiques del PSOE y les munches trames de corrución nes que ta implicá la clas dirixente asturiana (Villa, Riopedre, El Musel, Renedo, Niemeyer, fondos mineros, Pokemon, Aquagest, Montepío de la Minería, Telecable, La Camocha, financiación a UGT-CCOO…).

Nuria Prendes

 

 

 

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies