“Asturies tendría de ser el nódulu lloxísticu del norte, pero nun lo ye” El peaxe del Güerna, un de los principales factores pa dexar de trabayar n’Asturies

Nel conceyu calteníu pol presiente de l’Asociación d’Empresarios del Tresporte y Aparcamientu d’Asturies (Asetra), Ovidio de la Eoza, col presidente del “Principado”, Adrián Barbón, De la Roza espresó’l so esmolecimientu pol futuru del seutor: nos caberos meses al menos 15 Pymes dedicaes al tresporte de mercancies  colaron a Madrid, Llión o Santander, llugares más competitivos pa exercer el so llabor.

El peaxe del Güerna ye un de los principales pilancos al desendolcu del tresporte n’Asturies, polo que desixó a Barbón que presione pa rebaxalu, una y bones considera imposible eliminalu dafechu -comu se fizo na gran mayoría de les autopistes del estáu-. Los tresportistes nun escaecen tampocu que sobre Asturies planea la menacia d’implantar peaxes nes autovies, daqué que non solo fadría inviable munchos trabayos, sinon que prevocaría munchos más acidentes al tratar d’evitar los peaxes circulando por carreteres de menor seguridá.