Falten les piedres que parapetaben la muria nuna de les estructures, seique los investigadores afirmen que “nun hai daños significativos”; sicasí amuésense esmolecios pola evidencia de la entrada nel xacimientu de persones non autorizaes. Otru de los ñicios de la entrada de xente nel castru ta n’apaición de furacos, ensin que pueda afitase si d’ellos s’estraxeron o non pieces.

El castru caltién resclavos de delles époques: seique la costrución ye preromana nos sos alrodios apaecieron restos de cacíes medievales y otres dos costruciones más nueves, aparentemente defensives.

El robu de resclavos arqueolóxicos ye una práutica más avezada de lo que podría abultar, comu puede comprebase mirando cenciellamente n’interné, onde pueden alcontrase a la venta pieces d’estremaes époques y valores, ensin documentar la so procedencia, colo que se ta robando al conxuntu del pueblu asturianu el camín pa conocer más a fondu los propios raigaños.

Redaición InfoAsturies

This work is licensed under a Creative Commons Attribution 4.0 International License.