• Portada
  • >
  • Cultura
  • >
  • Varon y los Dandies refuguen tocar con publicidá del PSOE

Varon y los Dandies refuguen tocar con publicidá del PSOE

  • 20 Agosto, 2019

La organización del mesmu pretendía que tocaren con una pantalla de fondu que, ca dos menutos, sacaba publicidá del PSOE “Refugamos categóricamente promocionar dengún partíu y menos por imposición”.  La organización del Descensu ya se punxo en contautu colos músicos de Varón y los Dandis, pa reconocer que fore un erru pola so parte, esculpiase y ufrir una “compensación futura”

Dientro les actividaes programaes nel marcu del Descensu Folklóricu del Nalón, en Llaviana, taba programada una actuación del grupu Varon y los Dandies, na zona del “gastrodescenso”. Sicasí, una hora anantes de les 21:30 (hora a la que taba previstu l’aniciu del conciertu) el grupu anunciaba la suspensión del mesmu coles vinientes pallabres “Sentimos comunicar que nun vamos a tocar na zona del gastrodescensu de Llaviana. Varón y los Dandies siempres fuimos contrarios al facismu, el sesismu y cualisquier tipu de discriminación. Pero enxamás abracemos, nin abrazaremos la bandera de dengún grupu políticu. Poro, somos incapaces de tolerar que se proyeute la publicidá de dengún partíu mientres facemos nuestros shows. Poro, ante la negativa de la organización de suspender la publicidá durante la nuesa actuación nun nos queda más remediu que suspender. Esperamos la  vuesa comprensión. Salú y Rock&Roll”

Lo que motivaba esti abandonu yera la pretensión de l’agrupación “Socialistas de Laviana” y de la Federación Socialista Asturiana FSA-PSOE, d’imponer la so publicidá política comu fondu del conciertu, daqué que pa la banda nun tien xacíu, non solo porque ellos nun quieran venceyase a dalu partíu, sinon porque entienden que’l Descensu Folklóricu del Nalón ye una folixa popular y nun tien de tar marcada por dala seña nin partíu políticu.

Los otros dos grupos contrataos pa la ocasión,  Trujas y The Calamardos decidieron siguir alantre cola so actuación, aunque pa ello tuvieren qu’aceutar la publicidá política. 

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies