Tres d’esta primer xornada de lliga, la Premier League ufiértanos un variáu popurrí de duldes y puntos de vista que dexen unos claros perdedores y ganadores nel mercáu de fichaxes

Pa entamar con esti analís veamos al braeru perdedor d’esti mercáu de fichaxes, el Manchester United, que nun solo vendió a xugaores clave, como Ander Herrera, si non que nun respondió ante les salíes, dexando’l mediu campu solu con Matic, Pogba, Fred y Mctominay, cuatro homes pa tres posiciones, eso si Solksjaer caltien el sistema de 4-3-3, lo que paez abondo improbable, pero, ¿acasu tien más opciones? La rempuesta ye `pocu nidia y obliga a los Red Devils a esforciase por nun ser adelantaos por un proyeutu como Leicester o West Ham, pudiendo cayer d’Europa League, cosa que nun yos pasare en tola era premier.

Otru equipu al que’l mercáu nun-y foi perbién, seique por motivos estremaos, ye al Chelsea, ya que los blues tienen prohibio fichar xugaores tres de la prohibición de la UEFA, sicasí, cola compra de Pulisic nel mercáu  d´iviernu, y n’exerciendo la opción de compra sobro Mateo Kovacic, l’equipu de Stanford Bridge caltien les sos opciones de cara a entrar na Champions League.

Agora vamos analizar a dellos de los vencedores d’esti mercáu, entamando por un equipu fuera del top 6, pero con enganíes d’asaltalu, el West Ham, que n’incorporando a Pablo Fornals y a Haller vese como un de los meyores candidatos a la Europa League

Dientro d’esti campu podemos incluir a dos acérrimos rivales nel norte de Londres, el Totenham y l’Arsenal, ya que´l so mercáu aparentaba bien sele, una y bones l’Arsenal disponía d’un supuestu presupuestu namás 50 millones, que dempués reinvertió n’alcuerdos de pagu por plazos con fichaxes como Pepè o David Luiz, y cesiones como la de Dani Ceballos. Per otru lláu el Totenham aparentaba  entrar n’otru mercáu de fichaxes en seca, como los trés anteriores, pero tres añu y mediu ensin fichaxes, l’equipu reforcióse lo suficiente como pa siguir esta racha de resultaos comu la so llegada a la final de la Champions League con nomes como Ndombele, Lo Celso y Ryan Sessegnon.

Pa terminar con esti analís tenemos que destacar perriba de toos al campeón tantu de la lliga como del mercáu de fichaxes, el Manchester City, un equipu que gastó mas de mil ochocientos millones d’euros en fichaxes en quince años, completó un equipu que yá nun tenía furacos, doblando toles posiciones colos fichaxes de Rodri y Angeliño.

Tres esti mercáu de fichaxes entamó la lliga con una primer xornada bien tranquila que nos dexó un par de resultaos interesantes ensin muncho que destacar, dándonos una pequeña introducción a la meyor lliga del mundiu, la Premier League.

Nel Dos Santos

This work is licensed under a Creative Commons Attribution 4.0 International License.