L´alcordanza debuxada. Xornaes en Casu.

  • 19 Agostu, 2019

¿Qu’hai de mancomún ente Gaspar García Llaviana y les fuelgues na minería asturiana de los 50 y sesenta del sieglu pasáu?

¿Porqué esta xuntanza ente Alberto Vázquez y Ruma Barberu en clave de comic?

La trayectoria de dambos ye abondosa nos tebeos. Na música tamién nel casu de Ruma, en documentales ya investigación audiovisual nos trabayos de Berto.

Un posible llazu foi recordáu na charra en Casu: la ficción en qu’Amanda Castro retrata nel curtiu Tierra de Guerrilleros, en montes autóctonos ástures, d’un posible alcuentru ente un guah.e, Gaspar García Llaviana, allampiando por entender les razones del mundu de los mayores, y un comandante guerrilleru en retirada, Matu, comu posible inspiración (el monte fogosu, la dignidá del fugáu, la llucha contra la inxusticia) pa los avatares insurxentes del cura nalonianu.

N’efeutu, de les mesmes dómines fálase o debuxase. Nes cuenques mineres y nes tierres americanes de Nicaragua, y asemeyaes influencies tienen les sos xentes: la busca de la xusticia, les represiones y crueldaes de les dictadures, franquista o somocista.

D’esa Memoria fértil.. ¿va consiguise tamién inspiración pa les insurxencies del presente, pa les coleutividaes en rebeldía que nun se conformen.. Que nun se conformen con que nun haiga estamentos estatales dedicaos con percuru a historiografiar lo socedío, bonu o malu, nes nueses contornes. Que nun se conformen con qu’haiga escaezu y despreciu institucional a los vendíos”, víctimes y familiares de les diverses represiones n’Asturies contra les clases trabayadores entamaes, lo mesmo que nun se conformen, equí y allá, con que los relatos de les dictadures se caltengan ensin crítica nin cambéu, enllargando por décades los efeutos y revictimización de diches dictadures.

Por fortuna tenemos a Alberto y Ruma y munchos más debuxando, y escribiendo ya investigando munches y munchu historiadores pa recuperar el relatu más cercanu a la verdá de lo asocedío. Y otros munchos artistes construyendo espacios pa re-memoriar a xente bien digno o bien cenciello que pensaba que democracia y llibertaes nun yeren pallabres escondíes o proscrites.

Por casu, de relaciones del acá y el allá estrechamente enxareyaos, ye tamién Los Llabios Apertaos, d’otru documentalista nalonianu como Sergio Montero. Delles de les persones activistes, la mayoría yá finaes, que Monty entrevista, son les mesmes que tamién Berto afitara nos documentos filmaos pa que queden los sos testimonios. Ya’l percorríu americanu de los qu’a les males hubieron de fuxir de la matazón franquista vuelve reproducise na hestoria de relatos de sobrevivientes y familiares que llegaron a Arxentina, a Uruguai, a México, y que’l so percorríu y dellos testimonios escritos, llogra recuperar Sergio d’archivos de bayura incalculable.

IX Premiu «Alfonso Iglesias» de Cómic, Los llazos coloriáivos, ye un percorríu peles fuelgues de la minería asturiana comprendíes ente los años 1957-1965 (dende la primera fuelga xeneral nel Nalón, pasando pela fuelga de 1962 que s’estiende a mediu país, hasta los asaltos a la Comisaría de Mieres y al edificiu del sindicatu vertical en Sama).

El dibuxante Ruma Barberu rescata la memoria del cura guerrilleru Gaspar García Llaviana nun cómic, realizáu con ocasión de los 40 años de la so muerte en combate contra la dictadura somocista.

Unes viñetes pa perpetuar la memoria d’un cura y guerrilleru que s’alzó frente a la desigualdá y les inxusticies, poco conocíu n’Asturies más allá de que nome delles cais.

Pachakuti

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies