• Portada
  • >
  • Opinión
  • >
  • Xixón collabora nel esblanquiamientu del PSOE nomando a Areces “fiu predilectu”

Xixón collabora nel esblanquiamientu del PSOE nomando a Areces “fiu predilectu”

  • 15 Agosto, 2019

Llucía F. Marqués

Asistimos a un actu más de la película “Equí nun pasó na”, protagonizada por Adrián Barbón, cola presencia nel so repartu de lo más escoyío de la política ya’l sindicalismu asturianos

L’espresidente del “Principado” y esalcalde de Xixón Vicente Álvarez Areces, un de los principales responsables de les polítiques que llevaron a Asturies a la situación na que s’alcuentra, ye premiáu comu “Fíu predilectu de la ciudá de Xixón” a títulu póstumu, pol so invaluable llegáu: precariedá, despoblación, paru, emigración forciada, desindustrialización, represión llingüística… y una llarga solombra en tolos casos de corrupción de la mafia asturiana.
De magar l’añu 1999, cuando entamó la so carrera política comu alcalde nel conceyu Xixón, fasta’l so caberu aliendu, Tini tapeció y facilitó l’espoliu sistemáticu al que la mafia PSOE-SOMA-UXT sometió al pueblu asturianu, asistiendo encantáu al desmantelamientu de la minería y la industria asturiana entantu repartía panchón colos suyos. Enxamás nun se-y pidieron llegalmente responsabilidaes y aportó al so caberu díi ensin dar cuentes de tou ello.Vuelve la so pantasma dende’l más pallá, pero non pa asumir responsabilidaes, sinón pa facer un caberu favor al partíu, collaborando con Adrián Barbón a diseñar la nueva y llimpísima imaxen del PSOE.

Recibirá medaya y homenaxe, porque sí, porque queda bien, porque la memoria del pueblu ye endexe y hai que llavar la cara a tou trapu al partíu nel poder. Porque la hestoria cuasi nunca la escriben les víctimes. Poro, ye responsabilidá nueso nun escaecer y remembrar, toles vegaes que faiga falta, quien ye quien nesti escenariu, nun seya que col tiempu se tracamundien heroes y villanos.

This work is licensed under a Creative Commons Attribution 4.0 International License.

1 Comment Already

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies