• Portada
  • >
  • Asturies
  • >
  • Asturies ye antitaurina: manifestamientu en Xixón el 18 d’Agostu

Asturies ye antitaurina: manifestamientu en Xixón el 18 d’Agostu

  • 13 Agosto, 2019

La tauromaquia amoria n’Asturies: tres de la declaración de ruina de la Plaza toros de Buenavista, n’Uviéu, nel añu 2008, la feria de Begoña, en Xixón, ye la única que queda y ca añu son miles los asturianos que se manifiesten peles cais de Xixón reclamando la fin d’esta feria, qu’implicaría la tácita abolición de la cruel “fiesta española” n’Asturies

Alrodiu de 40 organizaciones sofiten el manifestamientu antitaurín que tendrá llugar el domingu 18 en Xixón, que va salir a les 16:30 de la Plazuela San Miguel. La protesta percorrerá delles cais de la ciudá, fasta aportar a la Plaza del Bibio, desixendo la prohibicion d’esta triba d’espeutáculos baxo’l llema “N’Agostu Xixón tíñese de sangre”. Esti añu la polémica acompanga esta cita, ya que la empresa municipal de tresportes, EMTUSA, torgó la publicidá de la mesma nos sos autobuses por incluyir imáxenes de la feria, que per otru llau la mesma empresa publicita nos sos autobuses.

“Por vosotros taremos lluchando fasta algamar l’abolición” declaren dende Anadel, dirixéndose a los animales que sedrán xabazmente sacrificaos de magar la naguración de la feria, güei mesmo. Na moción presentada l’añu pasáu por ANADEL pidía la “non renovación del contratu de la plaza de toros nin la concesión de prorrogues” alegando qu’unes fiestes “dexen de selo cundo hai víctimes inocentes”.

“Violencia de baldre, marafundiu económicu y aculturación españolista” afitaba pel so lláu Arturu Bermeyu, voceru d’Andecha Astur, anunciando’l sofitu de la organización nacionaliega a los actos contra esta actividá. “La tortura animal nun forma parte de la tradición asturiana” recalcaba.

La cellebración d’esta feria faise más incongruentes entá una y bones la modificación de la Llei d’Espeutáculos públicos y Actividaes d’Arruelu del 2002, aprebada en marzu l’añu pasáu, prohibe esplicitamente utilizar nos espeutáculos animáles xabaces de cualisquier triba, recoyendo asina la demanda de la población d’evitar a los animales sofrimientos “evitables ya inxustificaos”. Con esi envís, la modificación prohibe los espeutáculos que “Impliquen crueldá o maltratu pa los animales, puedan ocasionayos sofrimientos o facelos oxetu de tratamientos antinaturales” prohibición que, curiosamente, nun inclui el maltratu a los toros.

Llucía F. Marqués

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies