Mil dies en prisión por una bronca de chigre

  • 9 Agosto, 2019

Güei fae mil díes qu’ingresaron en prisión los rapazos acusaos de terrorismu por una marraza nel chigre’l so pueblu . Dende fuera de la prisión cuntarán cola solidaridá de les decenes de miles de persones que lleven sofitándolos a ellos y a les sos families dende’l primer díe y que suben güei al monten Beriain. Tamién se ta faciendo una campaña en redes baxo’l hastag #AltsasukoakASKE

De los 10 mozos y moces que foron detenios el 14 Payares de 2016, siete siguen en prisión, tres d’ellos de manera ininterrumpio. El motivu de la detención, una bronca nun chigre nes fiestes del pueblu na que participaron, amás de los rapazos acusaos, dos guardia civiles fuera de serviciu coles sos pareyes. Deniégaseyos incluso la posibilidá d’esfrutar de los correspondientes permisos penitenciarios o de la llibertá condicional, por “riesgu de fuga” pesi a que toos ellos acudieron a los xulgaos o a la Audiencia Nacional voluntariemente dende’l primer intre.

Les penes, de pente dos y trece años de prisión son “una aberración xurídica inxustificable”, señalen les mas y pas de los mozos, Altsasu Gurasoak, que demientres tou esti tiempu nun dexaron de pedir xusticia y proporcionalidá pa esti casu. “Aunque seya sero, entá ye posible aparar esta inxusticia nel Tribunal Supremu” dicen, refiriéndose a la vista del recursu d’apelación presentáu poles defenses pidiendo la llibre absolución y que se cellebrará’l 18 setiembre.

El relatu de “brutalidá” que defende l’acusación nun ye compatible coles llesiones comprebaes, nin colos testimonios de 56 testigos y 11 peritos que declararon nel xuiciu y que foron inoraos nes dos sentencies.

El xuiciu arrancó con acusaciones de “menacies terroristes y llesiones terroristes”. En 2016 tuvieron llugar 9.571 casos d’atentaos contra la autoridá, los sos axentes o funcionarios. Denguna foi calificada comu “terrorismu” seique hebio asgaya con llesiones enfroma más graves que les d’esti casu. Les irregularidaes y contradicciones nes declaraciones de los denunciantes, los 56 testigos y les prebes periciales baxaron el delitu a “atentáu a axentes de l’autoridá, llesiones, desordenes públicos y menacies”, descartando’l terrorismu pero aplicando les másimes condergues posibles, siendo les más llargues les d’ Ohian Arnanz e Iñaki Abad (13 años), Adur Ramírez de Alda y Jokin Unamuno (12 años). Para Julen Goikoetxea, Jonan Cob y Aratz Urrizola fueron 9 años. La única yacusada, Ainara Urkijo, foi condergada a 2 años de prisión. Amás, una indemnización de 9.200 euros al teniente por llesiones, al sarxentu con 3.570 euros y a les sos pareyes con 6.100 euros a ca una, a lo que se sumen otros 45.000 euros pa la novia del teniente y 25.000 euros pa la del sarxentu.

Dende’l primer intre la solidaridá foi el contrapuntu d’esta hestoria, con movilizaciones en Navarra, Pamplona, Altsasu… nos que fasta 90.000 persones reclamaron xusticia y llibertá. Güei acomuñen de nueu na cume’l monte Beriain, dende onde caleyarán a la punta d’Ihurbain animen a la cima del monte Beriain, e invitan a la sociedad a subir la solidaridad con ellos hasta la punta de Ihurbain, onde entamará la campaña ‘1000 egun, mila mezu, mila muxu! Altsasukoak aske!’.

Allí, presentaráse un llibru que percorrerá pueblos y ciudaes del estáu recoyendo mensaxes d’apoyu que se yos apurrirá a los presos, asina comu un album de semeyes coles que se suban a redes col hastag #AltsasukoakASKE.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies