Esta tardi, a les 20h na Antigua Escuela de Comercio de Xixón tendrá llugar una Proyeición de semeyes de Xurde Margaride, fotógrafu profesional dende va más de 20 años, que visita regularmente Laponia guetando semeyes del llugar, les sos xentes y los sos ablucantes cielos

Aurores boreales, biesques, paseos en trinéu y ñeve, ñeve asgaya: Laponia ufre un escenariu incomparable pa sacar les semeye espeutaculares, pero ye preciso conocer bien el territoriu y sobre tou, conocer bien la fotografía, pa sacar el meyor partíu de la so lluz

El fotógrafu asturianu Xurde Margaride presentará una coleición d’imáxenes recoyies nos sos munchos viaxes a Laponia, al sur de Finlandia, nes que documenta estremaos aspeutos de la vida diaria nesta dura zona del sub-árticu; imáxenes d’Inari, Ivalo y Saariselkasa, fasta’l pueblu costeru de Bugøynes en Noruega, nel Océanu Árticu.

Les semeyes dirán acompangaes de les desplicaciones de Carlos López, asturianu afitáu en Laponia de magar 18 años y con amplia esperiencia comu guía na fastera los llagos Inari y Saariselkaa, gran conocedor de la cultura y tradiciones Saami, el caberu pueblu indíxena d’Europa.

La charra ye una prollongación del Ciclu d’Audiovisuales “Imáxenes d’un viaxe”, que l’Ateneu Obreru de Xixón vien desendolcando en   primavera con una periodicidá añal.

Redaición InfoAsturies

This work is licensed under a Creative Commons Attribution 4.0 International License.