Ayeri domingu díi 4 d’agostu cellebrose dientru’l Festival Intercélticu d’An Oriant el gran desfile de les naciones celtes, nes que participaron representantes de los 9 países

Nesta 49 edición del festival de la capital bretona del mundiu folk, decenes d’agrupaciones de música tradicional, bandes de gaites y grupos de baille desfilaron delantre d’un públicu internacional estimau en más de 70.000 presones.

De la parte’l pasucáis participaren alrodiu 3.000 presones en calidá de músicos, amosando’l trax tradicional de ca nación celta o participando con amueses de baille metanes la cai ente’l xaréu d’aplausos merecíos enforma.

De la nación protagonista esti añu, Galiza, participaren los grupos: Grupo de música de Silleda , Banda de Gaitas de Forcarei, Banda de Gaitas Invernia y Grupo de Baile Xacarandaina.

De la parte asturiana participaren el Grupu Folclóricu Práu Llerón y la Banda Gaites Fonte Fuécara, al empar qu’una bona parte la delegación asturiana lluciendo’l trax del país.

This work is licensed under a Creative Commons Attribution 4.0 International License.