La llexislación española impón la presencia de la so bandera en cases de conceyu y llugares oficiales asturianos

“El Club de los Viernes” vuelve a ponese’n ridículu coles sos maniobres asturfóbiques denunciando la falta d’una bandera que, según l’alcalde, ye posible que robaren ellos mesmos.

La desapaición, va unos díes, de la bandera d’España de la fachada de la Casa Conceyu yerbata nun pasó desapercibía y foron asgaya los comentarios ya espiriques, felicitándose o llamentándose de la falta d’ella, que se vieron en redes sociales. Dende l’asociación “El Club de los Viernes” conocía pol so marcáu talante antiasturianu y españolista, decidieron denuncialo llegalmente, considerándolo “una ofiensa a la patria”, alcontrándose una y bones ya entamaren la polémica con que la desapaición de la bandera ya fore denunciada comu robu pol alcalde, Aitor García, quien nun descarta la posibilidá de que los lladruepos foren los mesmos denunciantes del club, como una forma d’ataque al únicu conceyu nel que la llingua asturiana lleva años siendo oficial y col envís de crear enfrentamientu y maltar pente los yerbatos.

Fore robada (comu paez el casu) o quitada adréi, esti casu pon d’actualidá l’alderique sobro la obligación forciosa a que los asturianos tan sometios de poner la bandera monárquica española nos sos llugares de gobiernu, daqué que remembra la obligación que teníen en so díe de facer oldear la bandera nazi nos paises ocupaos.

Nuria Prendes

This work is licensed under a Creative Commons Attribution 4.0 International License.