Entamen les llabores nel monte comunal de Bimenes

  • 31 Xullo, 2019

Los montes de Bimenes tienen una peculiaridá que los desemeya de la mayoría de montes que conocemos, yá que’n 1904 y énte una desamortización del terrén per parte l’estáu, los yerbatos xuniéronse y alquirieron la titularidá de los bienes qu’entamaron baxu una sociedá anónima, Montes de Bimenes S.A. Mas de 100 años dempués y tresformada en S.L. la sociedá reinvéntase y con una nueva directiva trabaya pa la recuperación del mediu

Los montes de Bimenes, pertenecientes a la Sociedá Llendada  Montes de Bimenes S.L, y que se regulen al traviés d’una ordenanza municipal, tán viviendo estos díes dellos trabayos que s’enmarquen dientro’l plan d’ordenación aprebáu pola Conseyería de recursos naturales y que preve un marcu d’actuaciones de 10 años, nos que s’espera recuperar pacional, masa forestal, pistes y caleyes.
Pa l’añalidá 2019, la sociedá de Montes de Bimenes recibió una subvención de 218.000€ pa refaer campera y faer plantíu de masa arbórea. La recuperación de pacionales va facese sol sistema silvopastoral, ye dicir altérnase la integración de forraxes, árboles y llendo, siendo ésta una forma bien beneficiosa d’aprofitar los recursos.

Los trabayos que yá entamaron esta selmana consisten na llimpieza del terrén, la llabranza,, l’encaláu, la llantadera y el posterior perimetraxe de la zona tratada pa garantizar que’l procesu se desendolca de forma correcha. Estes actuaciones van facese’n 20 hectárees partíes en dos zones estremaes, la del Recimuru y en La Llomba.
Per otru llau, el proyeutu aprebáu contempla’l plantíu de 40H de pinu montés y pinaster o pinu’l país na zona d’El Caxellu, La Tazá y el Pinganón, que van sirvir pa un reaprofitamientu’l monte y que va xenerar ingresos que puedan ser reinvertios nos montes de Bimenes. Les obres que tán siendo executaes pola empresa Agroforestal Nava, tienen previsto amás la llimpieza perimetral del plantíu esistente en Campabaxera.
La sociedá de montes y el Conceyu de Bimenes, que trabayen n’andecha, propunxéronse recuperar la redolada natural, y a les actuaciones que yá se tán acometiendo hai qu’añedir tamién los trabayos de defensa contra quemes qu’encabezó’l Conceyu nel últimu añu, como la creación de faxes de defensa contra quemes y la llimpieza de pistes; concretamente l’añu pasáu llimpiáronse 8 km. de pistes y rozáronse 7 hes. de forma manual  n’estremaes zones del Conceyu.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies