• Portada
  • >
  • Mediu Ambiente
  • >
  • La C.E.A apurre a la Comisión Europea los datos reales de la contaminación n’Asturies

La C.E.A apurre a la Comisión Europea los datos reales de la contaminación n’Asturies

  • 30 Xullo, 2019

L’Informe d’Evaluación de la Calidá del Aire n’España 2018 nun recueye los llaceriosos datos asturianos, pero destaca comu inasumibles otros muncho menos graves recoyios en llocalidaes españoles

Dende la Coordinadora Ecoloxista d’Asturies albidren que l’ausencia de mención a les superaciones de concentración de particules n’Asturies namás pue desplicase si el Ministeriu pa la Transición Ecolóxica ya’l Gobiernu d’Asturies nun apurren los datos riales. La non apaición de los datos asturianos implica tamién que nun se tuvieron en cuenta pa la ellaboración del informe los datos oficiales que facilita’l Gobiernu d’Asturies na so web sobro contaminación atmosférico y calidá del aire. O eso, o que dende Europa reconocen tacitamente la non pertenencia d’Asturies a España.

De fechu, nel nomáu informe cítense superaciones de partícules de más de 10 micres ( PM10) na llocalidá andaluza de Villanueva del Arzobispo, onde hebio 54 superaciones diaries y una media añal de Pm10 de 31 µg/m3 -una bones descontaes les intrusiones de povisa africano en suspensión- pero nun se citen les 84 superaciones, con media añal de 37 µg/m3 na estación xixonesa del Lloredal, les 73 de les Arobies, n’Avilés, con una media de 35 µg/m3 les 64 de la estación de San Xuan de Gozón, recién treslladada a otru puntu del conceyu con resultaos más favoratibles, con una media añal de 39 µg/m3, les 60 de Castrillón, con 37 µg/m3 de media o la de Santiago d’Ambiedes, tamién en Gozón, con 54 superaciones y una media añal de 38 µg/m3 , toes elles con cifres piores que les que si se recueyen nel informe européu.

La normativa fixa la llende’n  40 µg/m3 de media añal y en 50 µg/m3 de media diaria pa les Pm10 un másimu de 35 díes acordies al RD 102/2011, valores que superaron 9 llocalidaes asturianes. A la vista de los baxos niveles rexistraos pa los ósidos de nitróxenu (contaminante venceyáu al tràfico de vehículos) deduzse que la procedencia de les partícules ye fundamentalmente d’orixen industrial na fastera central asturiana.

Que n’Europa se conozcan los valores reales ye perimportante, ya que dende la Xunión Europea ye dende onde puen presionar al estáu español pa que tome les midies necesaries pa frenar esta contaminación, qu’acordies al estudiu desendolcáu pol Istitutu de Salú Carlos III prevoca la muerte de 830 asturianos al añu (el duple de la media estatal); poro, lo mesmo que ficiere l’añu anterior la delegación n’Europa d’Andecha Astur, apurrieron a la Comisión Européa del Mediu Ambiente la información detallada pa que la puedan tener en cuenta nes sos valoraciones.

Nuria Prendes

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies