Un trabayador del cientru de salú, que prefier caltener l’anonimatu por cuestiones llaborales, presenció los fechos y decidió facelo público

Na nueche del 25 de Xunetu, a les 21:30 hores, foi dada d’alta del Hospital de Cagüeñes una persona con manifiesta imposibilidá de caminar por si mesma, por mor de les mesmes dolencies que la llevaren a tar ingresada nel hospital. Nun se punxo a la so disposición ambulancia que lu llevare al so llugar de residencia. Ante esta dificultá, la so acompañante pidía utilizar la silla de ruedes pa sacalu del cientru.

Non solo nun se-yos facilitó dalu tipu de desplazamientu, sinon que se-yos echó del hospital pola fuercia, siendo espulsaos con violencia por dos axentes de seguridá, que llegaron a facer caer embaxo al enfermu y a la so acompañante, dexándolos na cai ensin forma de desplazase en plena nueche. Los dos afeutaos, que’n dengún momentu tuvieron un comportamientu inadecuáu, son drogodependientes ensin dalu tipu de recursu económicu, lo qu’ensin dulda foi determinante pal tratu vexatoriu que recibieron.

Nun ye la primer vegada que se da l’alta a enfermos qu’acuden al cientru por urxencies, incluso a altes hores de la madrugada, ensin tener mediu de tresporte nin posibilidá d’esperar nel hospital fasta los primeros autobuses, pero nesti casu la violencia utilizada foi escepcional.

Nuria Prendes

This work is licensed under a Creative Commons Attribution 4.0 International License.