Del autoodiu y cosmopaletismu asturianos

  • 18 Xullo, 2019

Cuando nuna sociedá hai una parte importante de xente atarraquitao d’autoodiu, esa sociedá tien mui difícil afayase nel futuru

 

Lluis turiellos

Garrao del Blog “El Xanu’l Caborniu

Na sociedá asturiana apréciase cuantisimayá un componente bultable de tirria hacia lo propio. Al empar, esa parte de la sociedá qu’arreniega del bierzu y llar propios allampa por tolo procedente de fuera.

L’autoodiu y el  cosmopaletismu son dos cares de la mesma moneda. Una cara representa l’enfotu por valtá lo llariego. La otra, por sustituilo polo foriato.

Pero cuando esa enfermedá del autoodiu s’asitia nes istituciones y nos aruelos de poder, les consecuencies qu’algamen les sos actitúes agrávense inda más. Y tanto’l nuestru patrimoniu material, como l’inmaterial y llingüísticu cuerren un pelligru claru de desaniciu.

Y nun mos engañemos. Ensin autoestima y valoración de lo propio’l finxu’l cielu del nuestru futuru va tar ñublu de contino. Basta con agüeyar pa cómo avancen otres sociedaes qu’aprecien lo suyo y cómo recula la nuestra.

Y son precisamente esos patrimonios que mencionaba enantes una herencia de tola xente asturiano d’hoi. Tresmitiénonmoslos los antiguos y tenemos el deber y la obligación de preservalos y tresmitilos nós a les xeneraciones vinientes. Una llabor difícil de tresnar na sociedá cambiante d’anguaño y qu’algama la categoría de casi utópica naquelles sociedaes que, como la nuestra, ta abirugada poles gravísimes enfermedaes del autoodiu y el cosmopaletismu.

Poro, el turullu que llame a aconceyar a la  parte más mentalizada de la nuestra sociedá na defensa del nuestru patrimoniu material ya inmaterial nun tien de dexar de sonar darréu. Ye necesario tar siempre sollertes contra los ataques que’l nuestru llegáu cultural sufre de contino. Y combatí la pelona que cute a la nuesta sociedá asturiana actual col caltenimientu, recuperacion, difusión y  respetu d’esi llegáu qu’afortunadamente inda conservamos.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies