La VIII Feria Nacional d’Artistes  Cultur3 Club prevista pa los díes 5, 6, 7 y 8 de Setiembre nel Palaciu Revillaxixéu de Xixón suspendía a pocu más de dos meses de la so cellebración

A falta de pocu más de 2 meses pa la cellebración de la 8ª Edición de Cultur3 Club, la Fundación Cajastur Liberbank, xestora del Palaciu, comunicó a los organizadores que nun respetará les feches alcordaes, franciendo les condiciones contractuales afitaes a lo llargo d’estos caberos 5 años por motivos económicos, tal comu reconoz la propia direición de Cajastur, al apaecer una tercer empresa interesada nel mesmu espaciu los prósimos 18 meses.

Pa los organizadores de Cultur3 Club esta decisión tira embaxo’l trabayu fechu, non solo esti añu, sinón tamién el buen nome y profesionalidá ganáu nes siete ediciones cellebraes.

Anantes de tomar la dura decisión d’anular el festival, la organización valoró toles opciones posibles pa siguir alantre cola cellebracion de la edición d’esti añu, pero por mor del estrechu marxe de tiempu nun yos foi posible treslladalu a otra ubicación.

Redaición InfoAsturies

This work is licensed under a Creative Commons Attribution 4.0 International License.