Los ganaderos asturianos refuguen l’alcuerdu comercial de la Xunión Europea con Mercosur y piden al Parllamentu européu que lu desanicie

L’alcuerdu robláu colos 4 países americanos que conformen Mercosur podría beneficiar, sigún la XE, a seutores comu’l queseru, les cerveces, o los vinos, pa los que s’abrirán nuevos mercaos nos que se reconocerán fasta 370 Indicaciones Xeográfiques Protexies, pero albídrase que les sos consecuencies pa la ganadería sedrán llacerioses, ya que como resultancies d’esti alcuerdu comercial, que prevé cuotes d’importación llibre d’aranceles, fasta 100.000 tonelaes de carne entraríen nel mercáu européu.

La inxusticia pa colos productores europeos estriba no que consideren una competencia deslleal, ya que la carne procedente de Sudamérica nun cumple les desixencies sanitaries, de trazabilidá, llaborales, medioambientales y de sanidá animal a les que tan obligaos los productores de la X.E, polo que los sos costes de produción sedrán muncho más baxos que los de los ganaderos europeos.

Llucía F. Marqués

This work is licensed under a Creative Commons Attribution 4.0 International License.