Duple conciertu en Bocanegra: Maraya Zydeco y The Soul Jacket

  • 8 Xunetu, 2019

L’asturiana Maraya Zydeco y los gallegos de The Soul Jacket van protagonizar el sábadu 13 un duple conciertu nel llocal de l’Asociación Musico Cultural Bocanegra, nel Samartín de Vallés. Les entraes yá tán a la vienta

Maraya Zydeco

María Álvarez tien una cualidá importante de mancomún col mesmu Superman: el poder de convertise!

Del barriu trabayaor de La Calzada nel so Xixón natal, María ye bona estudiante dende pequeña, dedicada a la xera de consiguir bones notes tantu na escuela como nel conservatorio. Acaba ganando concursos internacionales de música clásica y sacando una oposición.
Pero pel camín afaya que lleva dientro daqué selvaxe que tien que salir. Cuando María cueye l’acordión pa presentar la so visión de blues y zydeco, tórnase nuna espritada, como sí la so alma fora de New Orleans en cuenta d’Asturies.

Comu Clark Kent nuna cabina telefónica, tórnase’n Maraya Zydeco. Güei gocia d’una reputación como una de les meyores acordionistes d’Europa y una gran blusera. La banda inclúi a la voz y guitarra el productor/compositor Michael Llee Wolfe y el veteranu jazzman newyorkin Ethan Winogrand a la batería. Sigui provocando gran espectación escuchar un acordión interpretando eses músiques cuidao que entá ta demasiáu etiquetáu como preséu folk y tradicional. María Álvarez afixo la so técnica virtuosa d’acordión clásicu a un bon blues, rock’n roll o cualisquier soníu zydeco o cajun

THE SOUL JACKET

Surdíos al amparu de la fría y lluviosa Ría de Vigo, en Galicia, The Soul Jacket foron definíos como la meyor banda de rock sureñu n’España. Más allá d’esa etiqueta, ye cierto que tres más de 10 años de carrera, 4 álbumes y 2 Y.P.’s, y un directu españante como nengún, ganáronse tolos calificativos posibles. Y d’ellos solo puede constatase qu’a día de güei, inda nun tocaron techu.

“Plastic Jail” ye’l nuevu álbum de la banda gallega, grabáu en delles sesiones mientres los meses d’Abril a Xunetu de 2018 nos estudios Radar de la ciudá de Vigo. Con esta nueva grabación a la vieya usanza, The Soul Jacket algama’l plenu maduror, pero sosprendentemente facer reinventando de manera revolucionaria esa fórmula mundial de rhythm’n’blues, rock’n’roll y southern soul col que yá sosprendieron a crítica y públicu nel so aclamáu debú de 2011.

Nesta cárcel de plásticu alienda un ambiente cargao y sudoroso, con un soníu compactu, directu y acorde con un tiempu presente frenético ya inciertu, y con guiños a bandes como Big Star, John Lennon o los primeres Heartbreakers, al empar que nesos medios tiempos arrampladores a los que nos tienen avezaos resonen ecos de The Kinks y de xacíu The Beatles. Una vuelta a la esencia más pura y al empar un pasu de xigantes.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies