• Portada
  • >
  • Sociedá/Llaboral
  • >
  • L’Asamblea de Trabayadores en Llucha acusa a CTIK-USIPA de traicionar a los despidíos del casu Konecta

L’Asamblea de Trabayadores en Llucha acusa a CTIK-USIPA de traicionar a los despidíos del casu Konecta

  • 3 Xunetu, 2019

L’Asamblea de Trabayadores en Llucha y la CSI acusen al sindicatu CTIK- USIPA de traicionar a les trabayaores, posicionándose a favor de la empresa ya en contra de los sindicatos que defienden a los despidíos

Tres del despidu de catorce trabayaores de la empresa de servicios telefónicos Konecta, los sindicatos CSI y CCOO convocaron una fuelga de protesta ante lo que consideren un ERE encubiertu, ya qu’afeuta al diez por cientu la plantiya. El sindicatu mariellu CTIK-USIPA, en llugar de denunciar los despidos y a la empresa, acusa a los convocantes de la fuelga d’esaltaos y posiciónase a favor de la patronal, no que dende la CSI ven comu un intentu desesperáu de caltener el so puestu perriba de los drechos de los sos compañeros y pol sistema del combayéu.

Seique la empresa y CTIK-USIPA xustifiquen estos despidos pola “perda de contratos de la empresa”, lo cierto ye que siete d’ellos son disciplinarios y otros siete de trabayadores en situación d’incapacidá temporal. De fechu, d’ente los 14 despidos cuatro correspuenden a persones que se presentaren a les elleiciones al comité d’empresa cellebraes el pasáu 30 d’Abril, nes llistes de CCOO Y CSI, polo qu’estos sindicatos consideren que son despidos por represalies sindicales.

L’Asamblea de Trabayadores en Llucha acusa a CTIK de participar en montaxes “intentando mercar el so emplegu a cambiu de la so dignidá” y compara la situación cola vivida nel conflictu del Hotel Reconquista.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies