Hunosa pon fin a los sos proyeutos de fracking

  • 27 Xuño, 2019

El proyeutu Llabana 1, aprebáu pol “Principado” a la empresa pública Hunosa y Volta nel añu 2017 afeutaba a 37.314 hectárees y once conceyos

Los permisos d’investigación concedios a Hunosa y a los qu’esta empresa vien de renunciar permitien la busca de gas natural de difícil estración, ello ye, qu’en llugar de tar en grandes bolses so’l suelu ta repartio en pómpares de piqueñu tamañu que ye preciso romper pa la so estración. Pa ello prevóquense microfractures, inyectando a presión miles de tonelaes d’agua mecío con sable y añedios químicos, procesu que conlleva grandes impautos ambientales.

Per un lláu, la contaminación de descomanaes cantidaes d’agua, pel otru’l riesgu qu’implica pa la estabilidá del sosuelu, xunío a la gran inversión necesaria y la curtia vida d’estes esplotaciones, que vien amosando’n tol mundiu la so inviabilidá económica, llevó a la so prohibición en dellos países y a un control mui fuerte del mesmu n’otros. N’Asturies dellos conceyos declárense antifracking, cuestión que’l “Principado” (con el PSOE al frente, un de los más firmes opositores a nivel estatal”) paez ignorar, al continuar apurriendo permisos pa esta prautica.

Los once conceyos que pueden felicitase pola paralización por parte d’Hunosa d’esti proyeutu son Uviéu, Sariegu, Bimenes, Llaviana, SMRA, Llangreu, Mieres, Al.ler, L.lena y Ribera d’Arriba. Munchos d’ellos ya espresaren la so disconformidácol mesmu, presentando fasta 143 allegaciones que nun foron consideraes.

Nuria Prendes

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies