Les redes inúndense de memes pola fola de calor española

  • 26 Xunu, 2019

L’internacional  “Asturies is different”, l’independentista “L’Universu cospira pa que’l mundiu s’entere: Asturies nun ye España” en concisu “¿Ula ola?” o el repunante  “Home, nun me h.odas”  son dalgunes de les reaiciones de los internautes ante’l mapa metereolóxicu pa esti entamu de branu

El mapa metereolóxicu pa esta selmana, con Asturies remarcada en fresquino -ya incluso con lluvia diario-  entantu España achicharra a temperatures perriba los 45º, dió llugar estos díes a una lluvia de memes nes redes sociales que dan fe de comu la humidá nos pon graciosos a los asturianos.

“Igual ya nos ficimos uns declaración d’independencia unillateral y nun mos decatemos: les empreses marchen ya’l sol nun entra” podía lleese en facebook. “A Asturies nun tien güevos d’entrar nin una fola de calor, l’espíritu de Pelayo pervive, peña” topamos en twitter. “Fola de calor n’España. Repito: n’España” vemos, tamién nel face, acompangando una semeya de termómetru n’Uviéu marcando 17 grados baxo’l paragües; otra, esta n’honor a Uderzo: “Añu 2.019, toa Iberia ocupada pola canícula…¿toa? non, un piqueñu país d’irreductibles continúa faciendo frente al invasor”.. Ensin cuntar los cientos de semeyes de borrina y lluvia con frases del tipu “fola de calor a la asturiana” y los milenta mapes con Asturies n’azul metanes una Península ardiente en collorao qu’especifiquen a cencielles “Asturies nun ye España”.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies